About us

மாதகல் விநாயகர் விளையாட்டு கழகம்

மாதகல் விநாயகர் விளையாடுக் கழகமானது 1990 ஆண்டு அன்றைய மாதகல் வாழ் இளைஞர்களின் முயற்சியினால் உருவாக்கப்பட்டது. கிரிக்கட், கரப்பந்து மற்றும் உள்ளக விளையாட்டுக்களை கொண்டு ஆரம்பிக்கப்பட்ட எம் கழகமானது ஆரம்ப கால பயிற்சிகளை மாதகல் சித்தி விநாயகர் கோவிலின் பின்புறமே மேற்கொண்டு வந்தனர். 

அதன் பின்னர் இலங்கையின் வட மாகாணத்தில் இடம்பெற்ற உள்நாட்டு யுத்தம் காரணமாக மாதகல் மக்கள் மாதகலினை விட்டு இடம்பெயர்ந்ததன் காரணமாக கழகம் ௧௯௯௬ ஆண்டு வரை இயங்கவில்லை. எனினும் ௧௯௯௬ ஆண்டளவில் மீழக் குடியமர்ந்த இளைஞர்களின் உதவியுடன் மீண்டும் கழக செயற்பாடுகள் முன்னெடுக்கப்பட்டன. அத்துடன் அவர்களின்  ஆண்டில் இருந்த கழக நிர்வாகத்தின் முயற்சியினால்  எமது கழகமானது சண்டிலிப்பாய் பிரதேசக செயலாளர் பிரிவில் JD/VSW/290 எனும் பதிவிலக்கத்தில் மாதகல் விநாயகர் விளையாட்டுக் கழகம் என பதியப்பட்டது. அன்று தொடக்கம் இன்று வரை அதே பெயருடன் கழகம் மாதகலில் வெற்றிகரமாக செயற்பட்டுக் கொண்டு வருகின்றது. 

2005 ஆம் ஆண்டளவில், கழக அங்கத்தவர்களின் எண்ணிக்கை அதிகரித்ததன் காரணமாக கழக வீரர்கள் பயிற்சி மேற்கொள்ளும் இடத்தினை மாற்ற திட்டமிட்டிருந்தனர். அதனடிப்படையில் காஞ்சிபுரம் வீதிக்கு எதிராக உள்ள தனியார் ஒருவரின் காணியினையே குத்தகைக்கு பெற்று கழக பயிற்சிகளை மேற்கொண்டு வந்தோம்.  எனினும் தொடர்ச்சியாக எதிர்நோக்கிய சவால்கள் காரணமாக நிரந்தர மைதானம் அமைக்கும் பணியானது 2015 ஆண்டிலிருந்து ஆரம்பிக்கப்பட்டது. அதன் அடிப்படையில் மாதகல் மக்கள், புலம் பெயர் மாதகல் நலன்புரிச்சங்கங்கள், புலம்பெயர் மாதகல் மக்கள், நலன்விரும்பிகளின் உதவியுடன் மைதானம் அமைக்கும் பணி வெற்றிகரமானதாக முன்னெடுத்துச்செல்லப்படுகின்றது.

அத்துடன் 2016 ஆண்டில் கழகமானது வடமாகாணத்திற்குறிய விளையாட்டு திணைக்களத்தின் கீழ்  NP /JAF /SAN /03  எனும் இலக்கத்தில் பதிவு செய்து வெற்றிக்கரமானதாக இயங்கி வருகின்றது.

 

 

 கழக இலச்சினை

 

 

 

கழக கொடி